منتدى الفرح المسيحى - وقف عربية حياتك وفكّر

https://upload.chjoy.com/uploads/175079280663761.jpg

إيه إحساسك وأنت سايق ومش عارف الطريق،
وقدامك مفرق طرق، ومضطر تجرب تدخل
أي واحد منهم، وتعرف إن أول "يو تيرن" هتقابله بعد 300 كيلومتر؟
شعور صعب طبعًا، وهتضطر توقف وتشوف اللوكيشن اللي رايحله، وتسأل كتير بدل ما تضيع وقت ومجهود وتحرق بنزين على الفاضي.

فيا ترى، وأنت ماشي في سكة الحياة،
تفتكر مش محتاج توقف وتسأل عن الطريق؟
بدل ما تضيع مش بس وقت ومجهود،
لكن "عُمر" وأنت مش متأكد أنت ماشي صح ولا لأ؟

لو تايه أو خايف أو مش متأكد أنت ماشي صح ولا غلط…
وقف عربية حياتك وفكّر…
لكن أحب أقولك إن في شخص واحد
بس اللي قال عن نفسه إنه "هو الطريق".

يا ترى… تعرف هو مين؟