منتدى الفرح المسيحى - أنا هكمل أصلي لأولادي

وأنا باصلي لأولادي النهاردة،
صوت جوايّ سألني:
أنتي بتصلي علشان خايفة عليهم؟
ولا علشان واثقة فيّ؟

ولقيت نفسي بجاوب وبقول:
الحاجتين..
أنا خايفة عليهم،
بس كمان واثقة فيك إنك بتهتم بيهم.

ولأن الخوف عليهم أمر طبيعي،
بسلم كل مخاوفي ليك،
وبطمن عليهم...
لأنك مرتب ليهم كل أمورهم.

وافتكرت "تيموثاوس"...
إن مامته وجدته كانوا بيعلّموه كلمة الرب من صغره،
وأكيد كانوا بيصلّوا علشانه،
وعلشان كده، لما كبر،
كان جاهز يكون ملك للرب،
وتلميذ لبولس،
وخادم ومؤثر وقدوة.

أنا هكمل أصلي لأولادي.
وإنت، وإنتي كمان…
صلي من أجل أولادك، يكونوا فعلا خدام للرب حقيقين🙏