منتدى الفرح المسيحى - حطم خطتي يا رب

https://upload.chjoy.com/uploads/175054158931431.jpg

حطم خطتي يا رب
، لو الخطة دي هي اللي هتحطمني.
لو فيها طريق باختاره بدماغي، بس هيوديني للضياع.
لو فيها باب أنا مصر أفتحه، بس انت قافله علشان بتحبني.
لو فيها علاقة أنا متعلق بيها، بس هي بعد شوية هتكسّرني من جوه.
مش عاوز أمشي وراك وأنا بسأل “ليه؟”
أنا عاوز أمشي وراك وأنا بقول “آمين”.
حتى لو عيني مش شايفة اللي قدامي،
أنا قلبي مصدق إنك شايف، وبتحضرلي اللي يليق بيا،
مش اللي أنا فاكر إني أستحقه.
احميني مني…
ومن اختياراتي اللي فيها ضعف وخوف وتعلق.
واديني خطتك، حتى لو كانت موجعة مؤقتًا…
لأن في الآخر، دايمًا، خطتك هي اللي بتنجيني مش بتوجعني.