منتدى الفرح المسيحى - مع الله الألم مابيطولش

https://upload.chjoy.com/uploads/175053959512151.jpg

الإنسان ممكن يبقى شايف قدّامه جبل من المصايب،
حاسس إن مفيش مخرج، ولا حتى نفس ياخده.
بس لو عرف إن فيه “إيد” ماسكة فيه،
إيد إلهه،
وقتها الجبل مايبقاش جبل…
يبقى مجرد مرحلة وهتعدي.
مع الله، الألم مابيطولش.
الوجع مابيكسّرش.
والمصايب مهما كانت سودة، بتنور لما يعدي بيك فيها.
هو مش بيشيلك منها دايمًا،
بس بيعدّي معاك جواها…
والمشي معاه بيهون كل حاجة.