منتدى الفرح المسيحى - صدق إن نفس الإله اللي نجّح يوسف هينجّحك

فيه رهبة بتسكن قلب أي طالب ثانوية عامة…
الورق الكتير، والليالي اللي ما خلصتش،
والأسئلة اللي بترن في دماغهم:
“هعرف؟ هنجح؟ طب لو نسيت؟ طب لو خذلت الناس؟”

بس لو رجعت ليه؟ ليه بنخاف؟
مش لأننا مش مذاكرين،
لكن لأننا بننسى مين اللي ماسك السكة.

يوسف دخل السجن ظلم،
وكان شايف الحلم بعيد،
لكن ربنا كان معاه في كل لحظة،
لحد ما خرج، مش بس حر… ده خرج ملك.

الخوف طبيعي…
بس اللي مش طبيعي،
إننا ننسى إن فيه إله ماسك في إيدينا،
ما بيسيبش اللي اعتمدوا عليه.

ذاكر، اجتهد، راجع…
بس افتكر إن النجاح مش من الورق بس،
ده من السما اللي بتفتح لما تقول:
“يا رب، ساندني… إنت اللي معايا.”

وصدق إن نفس الإله اللي نجّح يوسف،
هينجّحك… مش بس في الامتحان،
في الحياة كمان.

مستطاع…
كل اللي يبقى صعب عندي، هو عندك مستطاع 🎶