منتدى الفرح المسيحى - السما مستنية تفرح

https://upload.chjoy.com/uploads/174959138404411.jpg

أد أيه أفراح في السما بتسببها الكني سة!!
فكر معايّ في السؤال ده كدة.
وأفتكر إمتى قال الرب يسوع إن السما بتفرح☁️
صح.....
في لوقا ١٥ الرب يسوع قال ٣ مرات السما بتفرح ..
لما الخروف الضال لقاه الراعي رغم إنه كان معاه ٩٩ تانيين ..🐑
ولما المرأة لقت الدرهم المفقود، رغم إنه كان معاها تسعة تانيين 🪙
ولما الابن التايه رجع، رغم إن الأب كان معاه ابن تاني 👦
السما بتفرح برجوع شخص بعيد عن الله ..
السما بتفرح بتوبة شخص كان تايه ومش لاقي الطريق ..
من غير صدمات ومن غير زعل: 🤌
السما مش بتفرح بيك وأنت قاعد بين أسوار الكنيسة فرحان وبتهلل 💁‍♂️
السما مش بتفرح لما بتولع شمعة ودموعك على خدك !!
السما مش بتفرح وأنت بتدي درس مدارس الأحد لولاد إعدادي إللي هما ولاد خدام الكنيسة ..
السما بتفرح لما بيرجع واحد تايب لربنا 👆
عارف أن آخر كام سطر ممكن مايعجبوش ناس كتير
وتقول مين قال إنها مش بتفرح يمكن بتفرح والكتاب ماقلش!
أقولك بقى حاجة مهمة السما علطول فيها فرح.
فيها ترنيم، فيها تسبيح مش مستنينا نعمل حاجة عشان ده يزيد فيها.
لكن الوهم والخدعة بتاعة أنه الله بيسكت الملايكة
عشان يسمع ترنيمنا وصلاتنا خلانا مركزين على أنفسنا ونسينا أخواتنا برة الكنيسة!🫣
(وهم وخدعة لأنه مفيش آية بتقول كدة معلش لو صدمتك،
اللي قالك كدة الطاسوني في مدارس الأحد مش ربنا) ..👀
عزيزي السما مستنية تفرح بالكنيسة الحية اللي موجودة على الارض
وأننا نرد التايهين والبُعاد عن الأبدية واللي لسه مايعرفوش المسيح..
اللي مش عارفين طريق الخلاص ✝️
ممممممممممم بس عارف أيه المشكلة..
ماحناش فاضين 🙆‍♀️
إحنا ملخومين بجرانيت الكنيسة..🏘
ملخومين بمين قائد دلوقتي..
ملخويمن بمين رئيس مجلس..😎
ملخومين بالعقيدة والخناقة عليها..
ملخومين بمظاهر العبادة الصح عند مين أصح.
ملخومين بالنقد والأدانة والتشويه!
ولسه بره الناس تايهين !