منتدى الفرح المسيحى - رد السما كان مختلف

https://upload.chjoy.com/uploads/174958855147311.jpg
ماكنش مشهور، ماكنش رسول، ولا قائد...
كان مجرد مؤمن بسيط، بيحب الرب وبيسمع صوته.
بس لما الصوت قاله: "اذهب إلى شاول" ارتبك جدًا!
"يا رب... أنت مش عارف مين ده؟
ده جاي يقبض علينا!"
ورد السما كان صادم... هو لي إناء مختار!!
هو دا اللي عمله حنانيا الدمشقي، قام، ومشى، وراح...
ماعملش نفسه مش سامع، ولما شاف شاول، بصله بعين مليانة نعمة..
وحط إيده عليه، وقال له "أَيُّهَا الأَخُ شَاوُلُ" ..
أخ، قبل ما يشوف أي دليل، قبل التوبة، قبل الكرازة، قبل المعجزات...
الكنيسة اللي على قلب المسيح مش بس بتعلم...
لكن كمان بتحتضن اللي لسه بيتشكل.
مش دايمًا هنفهم ربنا...
ومش دايمًا هنرتاح للي بيقوله.
لكن الروح المطيعة تمشي... حتى وسط الخوف.
صلّي النهاردة كده:
"يا رب، ما تخلّينيش أقف قصاد خططك بقلب مش فاهم...
اديني قلب زي حنانيا،
يسمعك... يصدقك... ويتحرك. .. آمين🙏