منتدى الفرح المسيحى - انفخ في ترابي من تاني

https://upload.chjoy.com/uploads/17169688368541.jpg

يا رب..
بحس إني موجود..بس مش عايش..
كل حاجة حواليّ ماشية..
بس جوايا في حاجة واقفة..
فرحي مكسور..ونفسي ضيقة..
وحياتي باهتة من غيرك..
لو فيّ نور انطفي..أو حلم دبل..
أرجوك متسبهوش يموت..
انفخ في ترابي من تاني..
واملك على أنفاسى..
واسرقني من العيشة الباردة لحياة مليانة بيك..
أنا مش عايز أكمّل فى طريق الموت..
أنا عايز أبتدي من جديد..فيك..
آمين..