زوادة اليوم:
قتل الديب بالإسكيمو
https://upload.chjoy.com/uploads/174952984328191.jpg

بيخبرو عن سكّان الإسكيمو إنُّن بيعانو كتير من الدياب، وما كانو يعرفو كيف بدُّن يتخلَّصو منها.

بيوم من الإيّام إكتشف رجّال كبير بالعمر الطريقة، جاب خنجر غمّسو بدم حيوان وتركو ت جمّد، رجع غمّسو من جديد بالدمّ وتركو يتجمّد أكتر من مرّة، وبعدين أخدو وشَكّو بالجليد.

بالليل إجا الدِيب ع ريحة الدم وبلَّش يلحَس الخنجر، لحس أوَّل طبقة والتانية والتالتة، حتّى صار بالآخر يلحس لسانو وكان مبسوط بطعم الدمّ، الصبح فاق الرجّال وشاف الديب مَيِّت حَدّ الخنجر.

الزوّادة بتقلّي وبتقلَّك :

«ع دروبنا المعتّمة في كتير خناجر، متل المتعة والشهوة والسلطة، لازم نضَلّ واعيين، أحلى ما ننعر حالنا بطعم الملذّات ونخسر حياتنا»
والله معكن.