منتدى الفرح المسيحى - سيب ربنا يعلمك تستقبل الفرح

في ناس مش بتعرف تفرح..
مش لأن حياتها صعبة..
لكن لأن العقل درّبهم إن الفرحة دايمًا بييجي بعدها وجع..
كل مرة حسوا فيها بالأمان..اتخذلوا..
كل مرة ضحكوا من قلبهم حصلت بعدها خيبة أمل..
فبقوا أول ما يحسوا بفرحة حقيقية..
بيقلقوا..بيتوتروا..يمكن حتى يبوّظوها بإيدهم..
وده مش لأنهم بيحبوا التعاسة..
ده لأنهم مش مصدقين إن اللحظة الحلوة ممكن تكمل..
🌱 لو انت من الناس دي خد بالك:
مش كل فرحة وراها خُدعة..
ومش لازم "اللي جاي" يبقى نسخة من "اللي فات"..
سيب ربنا يعلمك تستقبل الفرح..
وتسيبه يعيش جواك بسلام مش بخوف..