منتدى الفرح المسيحى - منتظرك تنقذني من نفسي

فيه أوقات الدنيا بتسكت…
صوت الناس بيهدى…
صوتي أنا كمان بيهدى…
بس جوايّ وجع مش ساكت…
خوف مش قادر أعبّر عنه.

يا رب… أنا مش فاهم،
ليه سايبني أعدي لوحدي؟
ليه كل حاجة بتتكسر حواليّ؟
أنا باصلي… وباستنى…👀

بس ساعات بحس إنك بعيد… بعيد قوي.
بس رغم كل ده، قلبي مش قادر ينكرك
لسّه عندي رجاء، مش لأني شايف الحل
لكن لأني عرفتك… عرفت محبتك ... عرفت طرقك .
.. عشرتك واختبارتك..

لكن في وقت ضعفي بقولها وباصرخ:
«لَا تَتْرُكْنِي يَا رَبُّ. يَا إِلَهِي، لَا تَبْعُدْ عَنِّي
. أَسْرِعْ إِلَى مَعُونَتِي يَا رَبُّ يَا خَلَاصِي.» (مزمور 38: 21–22)

منتظرك..
منتظرك نتقذني من نفسي
ومن أفكاري اللي تعباني،
قبل ما تنقذني من أي تحديات حوليّ🙏