منتدى الفرح المسيحى - افضل ماسكنى حتى لو أنا مش بعرف أمسك فيك كويس

يا رب…
أنا عارف إني مش أحسن ابن عندك
ولا يمكن أكتر واحد بيحبك
ولا برضه أكتر واحد بيصلي
ولا حتى دايمًا بعمل اللي يفرّح قلبك

بس أنا طمعان فيك
طمعان في حضنك اللي مبيتقفلش
وفي قلبك اللي دايمًا بيوسّعلي
وفي غفرانك اللي بيسترني حتى من نفسي

أنا بتهز كتير، وبيقع مني حاجات كتير
بس كل مرة برجعلك،
بلقيك مستنيني…
ولا مرة رجعت وما لقيتكش

فحتى لو مش أنضف واحد،
أنا ابنك، وده يكفّي
ومدام إنت أبويا…
يبقى ليّ مكان
وليا أمل
وليا حياة… مهما كنت أنا ضعيف

اقبلني يا رب مش عشان أنا كويس
اقبلني عشان إنت طيب
وافضل ماسكني…
حتى لو أنا مش بعرف أمسك فيك كويس.