منتدى الفرح المسيحى - قلبي بيطمن لما تهمسلي في الضلمة وتقولي أنا معاكي😍🤲

يا رب...
شكرًا 🙏
مش بس على الأيام الهادية، لأ كمان على العواصف..
شكرًا على اللحظات اللي ما كنتش فاهمة فيها حاجة...
وبرغم كده عدّت..
على التعب اللي هد حيلي، والدموع اللي محدش شافها.
على الحيرة اللي خدتني، والخوف اللي كتمته جوايا وسكت.

شكرًا لإنك كنت موجود... لما الكل سابني.
لما حسيت إن كل حاجة بتنهار... كنت إنت اللي واقف في ضهري.
ولما ماقدرتش أكمل...
كنت إنت القوة اللي شايلاني من غير ما أخد بالي.✨
شكراً لأنك مش ناسيني وسط الزحمة..
قلبي بيطمن لما تهمسلي في الضلمة وتقولي: "أنا معاكي".😍🤲