منتدى الفرح المسيحى - قلبك لسه بيتوسّع

مفيش حاجة اتأخرت،
ولا في بركة اتمنعت..
في بس تجهيز.. ليك انت.

ربنا مش بس بيرتبلك المفاجآت،
ده بيشتغل على قلبك وطريقتك ونضجك،
علشان لما توصلك الحاجة اللي بتصلي لها،
تكون جاهز ليها..
ما تخافش منها.. ما تهربش..
وما تبوظهاش بإيدك وانت مش واخد بالك.

أوقات كتير بنفكر إن ربنا مش سامع،
لكن الحقيقة؟
هو مشغول.. بس مش بالحاجة..
مشغول بيك انت.

بيجهزلك قلب يعرف يحتفظ بالنعمة،
مش بس يستقبلها.
لأن النعمة الكبيرة محتاجة قلب واسع،
وقلبك لسه بيتوسّع 🙏♥️