منتدى الفرح المسيحى - بصيت للمذبح و سبت قلبي يشرح اللي فيه

بصيت للمذبح و سبت قلبي يشرح اللي فيه
من غير ما أرتب الكلام، ولا أجمّل الوجع ..
كنت حاطط تعبي زي ما هو، ودموعي زي ما نزلت
وقلتله:
يا رب.. لا أريد إلا سلامك
مش عايز ضمانات، ولا إجابات
أنا محتاج حضنك اللي بيهدّي..
محتاج لمسة تروّض العاصفة جوايا
سلامك فقط .. هو اللي بيعدّي بيا
هو اللي بيثبت رجلي لما كل حاجة حوالي بتتهزّ
سلامك اللي بيشفي من غير ما أطلب
وبيحضن من قبل ما أشرح