منتدى الفرح المسيحى - فى أمل فى المسيح يوجد رجاء

https://upload.chjoy.com/uploads/174851103842461.jpg

بيقولوا ده ورم خبيث ورهيب بيخش الجسم ولازم يصيب
بيدمر الخلايا وبياكل ومايسيب والمرض ده بالذات ملوهش طبيب
شاعر بيأس شديد وأكيد مضروب بواقع قوى وعنيد
عدم الإيمان بيملا كيانى وريحة الموت بتهل تانى
فى أمل فى المسيح .... يوجد رجاء
والمرض التانى قلب كل كيانى بيقولوا عليه اضطراب وجدانى
قلق وخوف وفوبيا معزبانى وسواس رهيب بياكل فى كيانى
والناس قالولى كله إلا ده ده مرض نفسى وكمان جسمانى
لكنى بنفسى شفت المسيح بيشفى منه حتى الذهانى
مكتوب انه اسم يسوع المسيح فوق كل اسم أقوى من كل ريح
ومدام المرض عندى له اسم صريح راح اصدق فى اللى اسمه شفى الكسيح
بحط كل ثقتى فى شخص يسوع البار برمى عليه أحزانى هخرج باختبار
ده بكلمة واحدة منه ليعازر قام م الموت أنا مش هموت بل أحيا وأحدث بالملكوت
أسمع منى نصيحتى خبرة بعض السنين يسوع لسه بيشفى وبيمحوا كل أنين
أوع تصدق انه خلاص زمن المعجزات دا فات أو سفر أعمال الرسل أصبح فى الذكريات
ده الرب لسه حى وايديه ممدودة ألان بيقول أريد فأطهر اقبل بالإيمان
ولو وقت الشفا إتأخر واتحاربت بالعيان اتمسك بالوعود واغلب بالإيمان