منتدى الفرح المسيحى - لتكن مشيئتك هتكون مش نهاية إرادتك لكن بداية حرّيتك

https://upload.chjoy.com/uploads/174841866452051.jpg

فيه جملة بنقولها كتير واحنا مغمّضين…
“لتكن مشيئتك.”

بس يا ترى… قلّتها قبل كده وإنت جواك رافضها؟
قلتها بشفايفك… وقلبك بيترعش من الفكرة؟😶
لأن بصراحة، إحنا بنرتاح أكتر لما نكون إحنا اللي في السواقة.

مشيئة الله؟
يعني أنا أتخلى عن السيطرة.
يعني أبطل أظبط كل تفصيلة عشان تريحني.
يعني أقبل وجع ممكن مش فاهمه، بس واثق إنه بيشكّلني.
يعني أسلّم النتائج، وأنا أصلي بفَهم:
“مش لازم تمشي زي ما أنا عايز… المهم تمشي زي ما إنت شايف.”

عارف ليه بنخاف منها؟
لأنها بتكسر غرورنا الروحي😔
بتكشّف قد إيه إحنا بنحب نتحكم، حتى في الصلاة🙆‍♀️

بس لو عندك استعداد تصليها بصدق…
“لتكن مشيئتك” هتكون مش نهاية إرادتك،
لكن بداية حرّيتك