منتدى الفرح المسيحى - أنا واثق عشان إنت معايّ وإنت ما بتتغيرش

https://upload.chjoy.com/uploads/172190649409171.jpg

عدّى عليّ وقت كنت فاكر فيه إن الدنيا خلصت…
شُغل راح، ناس غالية سابتني، صحتي اتلخبطت،
زقلبي اتكسر أكتر من مرة💔

كنت بصلي ومش بلاقي رد، بعيط ومحدش حاسس بيّ…
بس في عز اللخبطة، كنت حاسس بحاجة غريبة…
زي حضن هادي، صوت في قلبي بيقولي:
"أنا معاك… ماتخافش"
كان صوته واضح:
لأَنِّي أَنَا الرَّبُّ إِلهُكَ الْمُمْسِكُ بِيَمِينِكَ، الْقَائِلُ لَكَ:
لاَ تَخَفْ. أَنَا أُعِينُكَ. (إشعياء ٤١: ١٣)

اختبرت أن يمكن المشاكل ماتتحلش بطريقتي
، بس إحساسي وانا في المشكلة هو اللي بيتغير
اختبرت أن الله بيتكلم بأنواع وطرق كتير
، وأحيانًا ببقى أنا اللي بعيد عنه وبقول ليه مش سامعه!!

أنا مش واثق عشان الدنيا حلوة…
أنا مش واثق علشان حوليّ ناس كويسين ...
أنا واثق عشان إنت معايّ وإنت ما بتتغيرش🙏💜