زوادة اليوم:

الكاهن والبحّارة
https://upload.chjoy.com/uploads/174831530480311.jpg
بيخبرو عن خادم رعية كل أبناء رعيتو بحّارة.
بيوم من الإيّام قرّر يسلّم الرعيّة للمعاون ويروح معُن برحلة صيد وكان كل يوم يقدِّسلُن ويساعدُن حتّى يتقدّمو من سرّ التوبة والمناولة. بعد فترة إجا واحد من البحّارة لعندو وقلّو: «منّك ملاحظ أبونا، ما في شي تغيّر، بعدُن متل ما هِنّي». جاوبو الكاهن: «معك حق، ما تحسّنو، بس ما رجعو لَورا».

الزوّادة بتقلّي وبتقلّك:

«المسيرة الروحيّة سفرة ببحر الحياة... المهم ما نتراجع، لازم نضل نجرّب نجدّف ت نتقدّم لَقِدّام».
والله معكن.