منتدى الفرح المسيحى - زوادة اليوم: الكتاب المُقدَّس والجهاز الخليوي : 24 / 5 / 2025 /

زوادة اليوم:
الكتاب المُقدَّس والجهاز الخليوي
https://upload.chjoy.com/uploads/174806075879351.jpg
بيخبرو عن مُدير بيترك مكتبو وبينسى جهازو الخليوي ع المكتب، حدّ الكتاب المقدَّس، وصار حوار بين التنين.

الخليوي : «غريب أوَّل مرَّة المُدير بينساني».

الكتاب المقدَّس : «أنا على طول بينساني».

الخليوي : «أنا على طول معو بكلّ الأوقات بأفراحو وبأحزانو».

الكتاب المقدَّس : «أنا على العكس ما بيعرفني إلّا وقت الحُزن والتعاسة».

الخليوي : «مع إنّو المدير بيعرف إنّو زبزباتي إلها تأثير سلبي عليه».

الكتاب المقدَّس : «غريب مع إنّو بيعرف إنّي بقدر إشفيه مِن كِلّ أوجاعو».

الخليوي : «أنا بنقلّو الرسايل من أصحابو».
الكتاب المقدَّس : «أنا بنقلّو الرسايل من ملك الملوك».

..... فجأة إنقطع الحديث، لأنّو المدير فات ع المكتب، أخد الخليوي وفَلّ.

الزوّادة بتقلّي وبتقلَّك :

«الكتاب المقدَّس هوّي نور وحياة، هوّي زوّادة الدرب لَكِلّ واحد مِنّا... خلّينا نرجع إلو ع طول وما ننساه، لأنّو صاحبو ولا مرَّة بيِنسانا»
والله معكن.