منتدى الفرح المسيحى - مش دايمًا اللي ساكت راضي

https://upload.chjoy.com/uploads/173763620518641.jpg

خليك_خادم_واعى
مش دايمًا اللي ساكت راضي..
أوقات بيكون مكسور بس مش لاقي لغة يشرح بيها كسرته..
المخدوم مش دايمًا هيقولك اللي جواه..
مش علشان مش عايز..
لكن علشان مش عارف..
أوقات الكلام بيبقى تقيل..
والوجع أقدم من عمره..
والصمت أسهل من الحكي..
بس الخادم الواعي بيسمع اللي ما اتقالش..
بيركّز في اللمحة..في غمضة العين..
في كلمة اتقالت بنص نفس..
الخادم الشاطر مش اللي يعرف يجاوب..
الخادم الشاطر هو اللي يعرف يسأل السؤال اللي يفتح قلب..