منتدى الفرح المسيحى - كنت بترتب وتطبطب وتحب حتى وانا مش فاهم

https://upload.chjoy.com/uploads/172245070965081.jpg

عزيزي_الله
اللي كنت بحسبه تأخير..
طلع عينك كانت شايفالي توقيت أنسب بكتير..
واللي كنت شايفه وجع..طلع إيدك بتشيل اللي بيأذيني
من غير ما آخد بالي..
واللي كنت فاكره ضلمة.
.كان بس عينيا لسه ما اتعودتش على النور اللي جاي..
أنا لسة بتعلّم أفهم خططك..
زي اللوحة اللي ملهاش معنى وهي بتترسم..
بس أول ما أرجع خطوتين..وأبص من بعيد..
أفهم إن كل لمسة..كل خط..كل لون كان معمول بحساب..
وإنك كنت بترتب..وتطبطب..وتحب..من غير ما توقف لحظة..
حتى وأنا مش فاهم..