منتدى الفرح المسيحى - نظراتنا ممكن تظلم لكن رحمة الله دايمًا أوسع

https://upload.chjoy.com/uploads/174776391759591.jpg

كان في شاب بسيط داخل الكنيسة، هدومه مش أنيقة،
وقاعد في الصف الأخير. بعض الناس بصّت له بنظرة استعلاء،
وهمسوا: "إيه اللي جابه هنا؟ شكله مش مننا!"
لكن الكاهن بعد القداس قال:
"النهاردة أكتر شخص لمس قلبي كان الشاب اللي في الآخر
… كان بيصلي بدموع أكتر مننا كلنا."

ساعتها افتكرنا الآية:
"مَن أنتَ حتى تدين عبد غيرك؟
هو لمولاه يثبت أو يسقط. ولكنه سيثبت،
لأن الله قادر أن يُثبِّته."
(رومية 14:4)

القلوب دي ملك لله، مش لينا.
نظراتنا ممكن تظلم…
لكن رحمة الله دايمًا أوسع.