منتدى الفرح المسيحى - احضني بس يارب

https://upload.chjoy.com/uploads/174768380203411.jpg
عارف لما تحس ان كل وقت فرحت فيه كنت انت السبب فيه
يعني لو ماعملتش افعال معينه كنت محدش هايقدملك حاجه تفرح بيها
وتكتشف ان انت مفروض تعمل علشان تفرح
مفروض تعمل علشان ترتاح
مفروض تعمل علشان تتحب
مفروض تعمل علشان تلاقي ضحكه في وشك
مفروض تعمل علشان تلاقي اهتمام وسؤال عليك
مفروض تعمل علشان اللي قدامك مايوجعكش
مفروض تعمل علشان اللي قدامك يفضل جنبك ومايسبكش
اكتشفت انك مفروض تعمل
ويوم ماتعرفش تعمل
او ماتقدرش تعمل
او مش قادر تعمل
تكتشف ان مافيش حاجه هاتتعملك
مش هاتلاقي حاجه اتقدمتلك لوحدها
لان قانون العالم مدام قدمت السبت هاتلاقي الاحد
تيجي تقف قصاد ربنا وتبكي بوجع وتحكيله كل ده
ويقولك انت قادر تقدم او مش قادر تقدم أنا هافضل اقدم ليك كل حب واحتواء وتقدير واهتمام مش علشان انت قدمت
لكن علشان أنا بحبك وبس
وفجاءه وشك يترسم عليه ابتسامه بس عليها دموع الصلاه
وتقوله بصوت مخنوق (احضني بس يارب)