|
إله الشهيد باجوش اعني وانقذني وحققلي طلبي
مباركه هي عطاياك يااارب. انا كنت حابب اعلن عن معجزه عملها معايا الشهيد باجوش انا ومراتي قولت لو ربنا اتمجد معانا بشفاعه الشهيد باجوش هنزل المعجزه دي واعرف الكل ان القديس باجوش شفاعته كبيره عند رب المجد المعجزه هي ان انا متزوج بقالي اربع سنين وربنا مكانش رايد بخلفه الفتره اللي فاتت دي وغلبنا علي اللف علي الدكاتره والمشاوير كل يوم والتاني ومراتي تعبت قوي من كتر العلاجات اللي الدكاتره كانت بتطلعهالنا كل دكتور بعلاج شكل غير التحاليل اللي بيطلبوها وفي دكتور منهم قال لمراتي لازم تعملي اشاعه بالصبغه وعملتها وتعبت جدا وكل دكتور نروحوله يقول مفيش موانع لا عندك ولا عندها لحد ما يأسنا من الدكاتره ومن الدنيا انا عارف ان فتره الاربع سنين مش فتره كبيره بالنسبه للناس اللي بتقعد 10 ولا 15 سنه ربنا مبيكرمهاش بخلفه بس برضو بأمانه تعبنا فيها الفتره دي جدا سواء نفسيا او جسديا ومراتي بالخصوص لانها كانت بتشوف قرايبها وصحابها اللي اتجوزو بعدها بقي عندهم طفل واتنين وهي ربنا مكرمهاش ف دا كان بيأثر ف نفسيتها جامد لحد ما مراتي حلمت بحد بيقولها اتشفعي بالشهيد باجوش وقالت يا إله الشهيد باجوش وظهرلها ف صورته في الحلم 3 مرات وعرفنا عن الشهيد باجوش وشفاعته عند رب المجد يسوع ودي كانت اول مره نسمعو فيها عن الشهيد باجوش اتشفعنا بيه ووعدناه لو حصل حمل وحصلت معجزه علي ايده هنزلوها علي الجروب بتاعه ونعرفو الناس كلها ان شفاعته قويه ومبيتاخرش ولا بيكسف اولاده وفعلا في نفس الشهر رحنا للدكتور وقالنا مبروك في حمل ربنا اتمجد معانا وحصل الحمل بعد ما اتشفعنا بيه والنهارده 25/1/2025 الموافق 17 طوبه شرفت الآنسه بتول بيشوي بس انا كان نفسي تشرف ف يوم تذكار استشهاده اللي هو 26 طوبه بس الحمد لله شرفت في الشهر اللي استشهد فيه ودا تاكيد للمعجزه بتاعه الشهيد العظيم . انا عاوز اقول للناس كلها اللي نفسها ف طفل واللي محتاج عمل واللي ف مشكله ومش لاقيلها حل يطلب الشهيد باجوش ويقول يا إله الشهيد باجوش اعني وانقذني وحققلي طلبي وصدقوني مبيخذلش اللي يتشفع بيه سلام الرب عليه |
رد: إله الشهيد باجوش اعني وانقذني وحققلي طلبي
اقتباس:
تكون معانا آمين ربنا يباركك |
| الساعة الآن 07:30 PM |
Powered by vBulletin® Copyright ©2000 - 2025