منتدى الفرح المسيحى - فيه قصة حب طويلة لسه بتتكتب

https://upload.chjoy.com/uploads/170249389187941.jpg

عزيزي_الله

ساعات بزهق من نفسي..
من تكرار نفس الغلط..
من الوعود اللي ماوفيتش بيها..
ومن المسافة اللي بيني وبين الصورة اللي نفسي أبقى عليها..
وساعات ببطل ألوم الناس وببدأ ألومك..
ليه سايبني كده؟ ليه مش بتغيرني بسرعة زي ما بتمنى؟
بس وسط كل ده..
أنت صبور عليا أكتر من صبري على نفسي..
بتحضني قبل ما حتى أطلب..
وبتفكرني:
"أنا اللي بدأت معاك وأنا اللي هكمل..بطريقتي مش بطريقتك"..
أنا متأكد إن مفيش فشل عندك..
فيه قصة حب طويلة لسه بتتكتب..