منتدى الفرح المسيحى - علّمني يا رب أشوف الناس بنظرتك

في ناس لما نقصها يطلع..
بيوجع أكتر من غيابهم..
وفي ناس.. رغم كل اللي ناقص فيهم، وجودهم راحة،
ونظرتهم أمان، وعيوبهم متلجمه قبل ما توصلك.
مفيش كامل غيرك يا رب..
علشان كده بنرجعلك بعد كل خذلان..
وبنقرب منك بعد كل تعب..
وبنحضن رضاك لما قلبنا يتعِب من محاولة لاقتناع ناقصة.
علّمني يا رب
أشوف الناس بنظرتك،
واختار اللي نقصه ما يوجعنيش.. واللي قلبه بيشبهك شوية.