منتدى الفرح المسيحى - مش عشان سعره غالى يبقى تمنه فيه

مش عشان سعره غالى يبقى تمنه فيه

...ماحدش ياكل كبده من بره تانى مهما كان التمن ..
اللى حصل بإختصار كنت راجع من الشغل على الساعه ٣ الفجر لاقيت عربيه كبده على اول شارعنا لسه فاتحه جديد ..
روحتله ،
ـ بكام ياعم الساندوتش قالى ب٣٠ جنيه ..
قولت بس ده اكيد نضيف طالما مغلى السعر كدا ..
وكمان لسه فاتح جديد واكيد ظابط الحاجه عنده عشان يعمل زبون ..
دخلت طلبت اكل واخدت الحاجه ومشيت ..
وصلت البيت بطلع الاكل وباكل فى امان الله فجأه الاقى خشبخ صغيره فى الكبده ، قولت عادى يمكن عود كبريت وقع او خشبه طارت مايقصدش يعنى مش هاقفله على الواحده ..
كلت وخلصت اكل والصراحه الاكل كان تحفه وطعمه حلو ومحبش الكبده ومغرقها شطه ...
نص ساعه بالظبط وبدأت احس بألم رهيب فى بطنى ، بدأ يزيد تدريجى لغايه مامقدرتش اتحمله نهائى ..
نزلت خدت تاكسى وجرى على المستشفى ..
اتشخصت تسمم واتعملى غسيل معده ..
الخلاصه اللى عاوز اقولها
مش عشان سعره غالى يبقى تمنه فيه 🫰
ياما ناس كتير معاهم عربيات وشقق وتليفونات غاليه لكن مايتعاشروش ..