منتدى الفرح المسيحى - احملني أنا ماعرفش أكمل لوحدي

https://upload.chjoy.com/uploads/174492894270731.jpg

عزيزي_الله
طول الوقت حاسس إني لازم أكون القوي..
اللي بيساعد الكل..اللي مابيقعش..
اللي بيشيل همه وهمهم..
بس الحقيقة؟
أنا مش سوبرمان..
أنا محتاجك أكتر من أي وقت فات..
محتاج لحظة صدق معاك..
أقولك فيها:
"أنا تعبان..ومحتاجك تسندني من غير ما أشرح كتير"..
في عالم كله ضغط ومسابقات ومقارنات..
محتاج أفتكر إني مش مطالب أبقى بطل..
مطلوب مني أبقى ابنك..
والابن مش بيشيل نفسه..
الابن بيتشال..
احملني..
أنا ماعرفش أكمل لوحدي..