منتدى الفرح المسيحى - الأمل المزيف بيخليك تأجل المواجهة

الأمل المزيف بيخليك تأجل المواجهة
وتعيش في وهم
تستنى معجزة من مكان مش جاي منه حاجة
تستنى شخص يتغير وهو مش ناوي يتغير
تراهن على وقت مش هييجي
وتستنى قلوب ما بقتش تحبك

وعلشان كده ربنا عمره ما دعانا لأمل كاذب
ربنا دعانا لأمل ثابت في شخصه
مش في ظروف
ولا في ناس
ولا في تخيلات

زي ما بولس الرسول قال:
“لأَنَّنَا قَدْ أَلْقَيْنَا رَجَاءَنَا عَلَى اللهِ الْحَيِّ” (تيموثاوس الأولى 4: 10)

الأمل الحقيقي مش إن الدنيا تمشي زي ما احنا عايزين
الأمل الحقيقي إن مهما حصل حوالينا
فيه رب قادر يقومنا
يشفينا
يجبر خاطرنا