منتدى الفرح المسيحى - يارب انت الغنى وغانينى من خيرك

https://upload.chjoy.com/uploads/174550525888331.jpg

يارب انت الغنى وغانينى من خيرك
ماتخلنيش أحتاج انا لىّ مين غيرك
انت السند والأب قلبك مليان بالحب
رفيقى طول الدرب وأنا غرقان فى خيرك
سايبها عليك ومطمن مستقبلى كله متأمن
فى ايدك انت ياقدير
ماسكنى يارب بيمينك شايلنى وحاططنى ف عينك
ولا هخاف أنا من الشرير
أنا عايش حياتى معاك ولا هاتسيبنى ولا هنساك
دا أنا كل حياتى ف ايدك
عمرى كله ملك ليك ثقتى واتكالى عليك
حبيبى وأنا حبيبك
بيك أنا غالب كل جراح ومعاك وحدك أنا مرتاح
ياحمايتى وطوق النجاة
فيك راحتى وكل سلامى ليك حبى وكل أيامى
ووعدك أنت أنا ما انساه
بابا وعدك طمنى خير ورحمة تابعينى
ترعانى بطول الأيام
عمرى كله أنت رافعنى وف ضيقاتى تشجعنى
سهران ولا عينك بتنام