منتدى الفرح المسيحى - انا مستني زي ابراهيم ترد عليّ

https://upload.chjoy.com/uploads/173542040728951.jpg

سمح لملامح الجلال والرهبة تختفي..
قرر يسيب لعبده إنه يميز بقلبه -اللي اتدرب قبل كدة- عالحضور الإلهي..
كان بيزوره في مكان الشبع (بلوطات ممرا) أو مكان الدسم ..
دسم الشركة.. اللي خلاه عرف زيارة الرب وفورا سجد..
يمكن سجد من اللطف اللي شافه في يسوع.
. يمكن سجد لما لقى قبول الرب لضيافته في اليوم ده..
لكن اللي لفت نظري كلمات قليلة طلعت من ابراهيم الشيخ العجوز
اللي بيطلب قرب الرب وقال:
«يا سيد، إن كنت قد وجدت نعمة في عينيك
فلا تتجاوز عبدك. (التكوين ١٨: ٣)
ولاقيت الترجمة (لا تمر بعيدا عن عبدك..)
و النهاردة في وسط ظروف حياتي الملخبطة
وطلبتي الصعبة باقولك يارب لا تتجاوز عبدك.. ماتبعدش عني..
وانا مستني زي ابراهيم ترد عليّ: "في الميعاد أرجع إليك."
يارب لا تتجاوز عبدك..
يارب لا تبعد عن عبدك..
يارب أسرع في ميعاد عبدك..