‏الاطمئنان مش بس كلمة بتتقال
الاطمئنان هو حضن بتحس فيه إنك مش مضطر تدافع عن نفسك
ولا تشرح وجعك جملة بجملة

الإنسان لما بيتعب
مش دايمًا بيبقى عايز نصايح
ولا حلول
ولا خطط
أحيانًا كل اللي بيحتاجه
إنه يحس إنه مش لوحده وهو موجوع

إنك تلاقي حد
يسمعك لحد آخر نفسك
ويسيب لك مساحة تعيط ‏فيها
من غير ما يحسسك إنك بتبالغ
ويسندك من غير ما يقولك: “شد حيلك”
ويسمح لقلبك إنه يتنفس بحرية

الاطمئنان
هو لما تبقى جوه دوشة الدنيا وخوفك بيجري جواك
وتلاقي عينين بتقولك بهدوء:
“متخفش… حتى لو اتكعبلت، أنا ماسكك”

الاطمئنان الحقيقي
لما تحس إنك مش مضطر تكون “كويس” علشان تتحب

‏إنك حتى في عز عياطك وخيبة أملك
في حد بيحبك أكتر… مش أقل

علشان كده
إحنا محتاجين جنبنا مش ناس بتفسر مشاعرنا
محتاجين ناس تحتوينا
ناس تمسك إيدينا
وتقولنا: عادي تتعب
وعادي تقع
وعادي تحتاج تتسند شوية

الاطمئنان
هو نعمة
والناس اللي بيطمنوا قلوبنا
هم هدية ربنا وسط قسوة الأيام