منتدى الفرح المسيحى - الثقة في الله مش رفاهية

https://upload.chjoy.com/uploads/174530418576821.jpg
الثقة في الله مش رفاهية ..
دي سلاح اللي مالوش غيره ..
دي قلب بيغمض عينه .. ويمشي ورا الصوت، مش ورا المشهد.
أوقات بيبقى حواليك كله بيقولك: “استسلم” ..
واللي جواك بيهمس: “صدق ربنا”..
ساعتها متترددش،
لأن اللي بيمشي بثقة في ربنا ..
بيوصل لمكان عمره ما كان يوصله بعقله.
الثقة في الله تصنع المستحيلات..
مش لأنك قوي ..
لكن لأنك حاطط ضعفك بين إيدين إله ما بيعرفش المستحيل.
هو اللي قال للبحر “اسكت”.. فسكت.
وقال للموت “كفاية”.. فقام.
وقال للمكسور “قوم وامشي”.. فمشي.
هو هو ..
ما بيتغيرش ..
بس اللي بيتغير؟
هو إيمانك.
صدق بس ..
وخد خطوة صغيرة ناحية نوره ..
وهو هيكمل الباقي.
الثقة مش معناها إنك مش خايف ..
معناها إنك مختار تصدّق رغم الخوف.
وربنا عمره ما خذل حد راهن عليه.