منتدى الفرح المسيحى - بعد الصليب فيه قيامة مستنية

https://upload.chjoy.com/uploads/174495997705561.jpg

الكلام ده كان طالع من الرب، اللي بنفسه عارف وجع الفقد،
وكسرة القلب، ودمعة الليل.
"ٱلْحَقَّ ٱلْحَقَّ أَقُولُ لَكُمْ: إِنَّكُمْ سَتَبْكُونَ وَتَنُوحُونَ وَٱلْعَالَمُ يَفْرَحُ.
أَنْتُمْ سَتَحْزَنُونَ، وَلَكِنَّ حُزْنَكُمْ يَتَحَوَّلُ إِلَى فَرَحٍ" يوحنا ١٦ : ٢٠
قالهم:
"العالم هيضحك، وانتوا هتبكوا"
بس هو شايف أبعد من البكا… شايف صباح القيامة✨️
حزنكم، مش هيتنسي، مش هيتلغي،
لكن هيتحوّل…👌
يعني نفس القلب اللي بكَى، هو نفسه اللي هيضحك.
نفس العين اللي دمعت، هي نفسها اللي هتشوف المجد.
دي مش مجرد تعزية،
ده رجاء حيّ،
إن بعد الصليب، فيه قيامة مستنية..💙
وإن دموعنا في إيده مش ضايعة… في فرح بعدها جاي😊
يا رب🤲
علّمني أصدق إنك شايف دموعي،
وإنك قادر تحوّل الحزن لفرح.
ثبت قلبي في وعودك، واملاني برجاء قيامتك..