منتدى الفرح المسيحى - كل المخذولين اجمعوا تحت الصليب

https://upload.chjoy.com/uploads/174484102841211.jpg
اذكر يا رب كل المخذولين..
اللي ضاع منهم الطريق بسبب كلمة،
اللي خسروا ناس كانوا بالنسبة لهم الحياة،
اللي اتكسرت جواهم ثقة،
واللي مبقوش عارفين يدوها لحد تاني.
اذكر اللي خبّوا وجعهم بصمت،
علشان ميبانوش ضعاف،
واللي ضحكوا وسط الناس وهم بيصرخوا جواهم “كفاية”.
اذكر يا رب كل واحد اتسحب من قلبه سلام،
عشان صدّق وعد حد،
أو حلم بمكان ماكانش ليه.
اذكر يا رب اللي اتقال عليهم “مش كفاية”،
مع إنهم كانوا بيحاولوا بكل ما فيهم.
اللي مشوا من غير ما يتودعوا،
واللي اختاروا ينسحبوا علشان ميتكسرش اللي قدامهم.
افتحلهم حضنك،
وريهم إنك فاهمهم من قبل ما يتكلموا،
وإن الصليب مش بس فداء..
الصليب مكان لكل حد انطرد من حضن البشر.
يا يسوع،
اقفل جراحهم..
وإديهم نعمة يصدقوا إنهم مش لوحدهم،
وإنهم مش مكسورين..
لكن محمولين بين إيدينك.
كل المخذولين اجمعوا تحت الصليب، لأنكم لم تعودوا مخذولين بعد.