منتدى الفرح المسيحى - ما تطلبش مني أكون أيوب

https://upload.chjoy.com/uploads/174479285205741.jpg

يا رب..
أنا مش أيوب.
أنا ماقدرش أستحمل كل ده وأسكت،
ولا ألبس الصبر وكأنه مريح،
ولا أقول “ليكن اسم الرب مباركًا” وأنا بيني وبين نفسي منهار.
أنا مش قوي زيه،
ولا عندي جلده،
ولا عندي صبره،
أنا حتى مش فاهمك أوقات كتير..
بس لسه بحبك.
أنا ضعيف يا رب،
بس يمكن ده اللي يخليني أجري عليك..
مش علشان أفسّر اللي بيحصل،
بس علشان ألاقيك وسطه.
ما تطلبش مني أكون أيوب،
بس كفاية تفضل أنت إلهه..
وإلهي.