منتدى الفرح المسيحى - مش بلوم على القبر أنا بشكر اللي ندهني منه

https://upload.chjoy.com/uploads/174448512142141.jpg

كنت أنا ..
ممدد ..
ساكت ..
مفيش نفس ..
متغطي بجرايد.
كل اللي حواليّ شايفين النهاية ..
وأنا كنت مستسلم .. مش حاسس.

قبر بدون ضوء ..
نهايه لها طعم تراب ..
وصوت الناس اكيد بيقول:
“راح .. خلاص راح”.

بس فجأة ..
جت رجفة في الروح ..
مفيش حد نده،
إلا هو.

يسوع ..
وقف قصاد قبري،
بكى عليّ قبل ما يناديني،
وبحب غريب ..
صرخ:
“فلان .. .. هلم خارجًا”.

صحيت على صوته مش على صوتي،
صحيت على حضنه مش على قوتي،
صحيت على حقيقة واحدة:
أنا كنت ميت ..
وهو عمره ما سمح ان اللي بيحبه يموت.

أنا مش بلوم على القبر ..
أنا بشكر اللي ندهني منه.

وانت كمان بيندهك بأسمك " …"