منتدى الفرح المسيحى - افتكر المعاناه ماتفتكرش الراحه

في وقت ولحظه بيجوا عليك مهما كنت قوي جدا
بتلاقي الوقت ده بيتعبك
بتبقي مش قادر تتخطاه
ولا قادر تعديه
وقت بيفكرك بكل حاجه كنت بتحبها وترتاح فيها
نصيحه في الوقت ده افتكر حاجه واحده بس
👏(افتكر المعاناه ماتفتكرش الراحه)👏
عارف ليه؟
لانك لو افتكرت الراحه هاتتعب اكتر
وتلاقي نفسك روحت لمناطق تتعبك اكتر
لكن لما تفتكر المعاناه ساعتها كل وجع شوفته
يفكرك ويفوقك ويقولك خد بالك
زي شعب بني اسرائيل لما جاعوا قالوا لموسي رجعنا لفرعون
كان بيأكلنا لحمه
قالهم موسي افتكروا الذل والاهانه وعدم الكرامه
علشان كده بقولك نصيحه افتكر المعاناه
لان لما تفتكر كم المعاناه هاتقول لنفسك
مش عاوز حاجه غير افضل كده حتي لو ناقصني كتير

ابونا جوناثان رفعت