منتدى الفرح المسيحى - الناس بتقول عليه “أسبوع الآلام”

https://upload.chjoy.com/uploads/174444281142641.jpg

الناس بتقول عليه “أسبوع الآلام”،
بس اللي عرفوه، سموه “أسبوع الحب”.

الحب اللي مش بيخاف من خيانة،
ولا بيهرب من جرح،
ولا بينكر صليب.

أسبوع الحب ..
لما الملك يخلع تاجه،
ويلبس شوك عشانك.

أسبوع الحب ..
لما الإله يمد إيده مش عشان يتحكم،
لكن عشان يتسمر بيها عنك.

أسبوع الحب ..
لما الدموع تتحول عهد،
والنزيف يتحول وعد.

هتبدأ رحلة مافيهاش صُدفة،
كل نظرة، كل كلمة، كل صمت ..
مليان بيك.

خليك قريب،
ده أسبوعك ..
وأكتر حد مستنيك فيه ..
هو اللي مات عشانك.