منتدى الفرح المسيحى - خد الصوم اللي فات وحوله بداية مش نهاية

https://upload.chjoy.com/uploads/171549280463771.jpg

يا يسوع،
أنا مش جايب معايا غير عطشي ليك ..
مش معايا غير قلب تايه وبيجري عليك.

يا اللي وقفت مستنيني طول الطريق،
ما تسبنيش وأنا وصلت متكسر بين إيديك.
ضمّني جوا جُرحك ..
خبيني بين دقات قلبك ..
وامسح عن عيني دموع الخوف والبرد.

أنا جعانلك ..
وأكتر حاجة هتشبعني ..
إني لسه ليَّ مكان عند رجليك.

ثبتني فيك،
وخد الصوم اللي فات،
وحوله بداية مش نهاية.

آمين.