منتدى الفرح المسيحى - الصورة لسه بتترسم👌

https://upload.chjoy.com/uploads/174327419590951.jpg

قد إيه بنحكم على نفسنا من لقطة واحدة!
من يوم وحش، من لحظة فشل، من غلطة!
بنبص على المشهد الناقص ونقرر إن النهاية خلاص مكتوبة!

فاكر يوسف؟
في السجن كان ممكن يصدق إن حياته انتهت
، لكن الله كان شايف العرش اللي مستنيه.
موسى!!
افتكر إن فشله في مصر معناه إنه مش نافع،
لكن الله كان شايفه قائد عظيم. بطرس!!
أنكر يسوع وبكى
، لكنه ماكنش عارف إنه بعد كام يوم بس،
هيقف ويكرز بقوة الروح القدس.

إحنا مش مجرد لحظة ضعف ولا غلطة واحدة، إحنا قصة كاملة..

اشجعك ماتحكمش على نفسك من لحظة واحدة
… لأن القصة ما خلصتش، والصورة لسه بتترسم👌

وَاثِقًا بِهذَا عَيْنِهِ أَنَّ الَّذِي ابْتَدَأَ فِيكُمْ عَمَلاً صَالِحًا يُكَمِّلُ
إِلَى يَوْمِ يَسُوعَ الْمَسِيحِ. (فيلبي ١: ٦)