منتدى الفرح المسيحى - لو المسيح سأل السامريه

https://upload.chjoy.com/uploads/174271734210281.jpg

لو المسيح سأل السامريه
هو انتي حاسه باايه ؟!
اعتقد هتقول
حاسه بوحده..
(برغم اللي حواليا .. وبرغم انه اسمه حب .. لكني مُستغله)
حاسه بذنب ..
(شايفه اللوم في عين كل حد ممكن أقابله من غير مايتكلم )
حاسه بخوف ..
( اصل مين هيبقالي)
حاسه بالذل ..
( مليش قيمه .. مليش مكان )
حاسه بالفراغ..
(ماشيه لوحدي .. مليش حد )
حاسه بالضياع..
( مفيش بكره بالنسبالي )
والإحساس الأكبر اعتقد اليأس..
(اصل خلاص كله ضاع )
ولو سالها المسيح طيب انتي حاسه باايه دلوقتي اول ماتقابلنا
هتقول بردو
قلقانه ومتوتره وخايفه…
حاسه شويه مطمنه .. لكن خايفه تطلع زيهم
حاسه اني مكشوفه .. انك شايفني اووي
.. وخايفه الاقي في عينك .. كل نظره شفتها منهم في يوم
مش قادره اصدق اني ممكن أتحب بالرغم من ….
طيب ولو احنا سألنها بعد الحوار انتي حاسه باايه دلوقتي
اعتقد هتقول حاجتين بس
الاول
أنا بس عايزه افضل هنا .. تحت رجليه .. واسند براسي عليه
( أنا لأول مره اكون مطمنه )
الثاني
أنا عايزه اجري اعرف كل الناس
.. انه بيحبني .. بيحبني بجد
وأنه اختارني .. وإنه شاف فيا اللي أنا مشفتهوش .
. انه عرفني وعايزني .. والاهم انه رواني .
. خلاص مش محتاجه حاجه .
. عايزاكم بس تيجوا تشوفوا اللي شفته .. تشبعوا زي !
وأعتقد انهم صدقوها ..
لانها ممكن تكون لأول مره في حياتها بقت حقيقيه !!
وفي الحقيقه اللي يعرف المسيح يُشبع ويُروي ويَفيض ❤️🙏