منتدى الفرح المسيحى - دور على ناس تانيه تحطك فى أولوياتها

لو إنتَ في علاقة مع شخص مزاجه متقلب،
يوم يحسسك إنك أهم واحد في حياته،
وفي يوم تاني يقلب عليّك ويتغير معاك
، ويقفل كل طرق التواصل وبعدين يفتحها حسب مزاجه،
فالعلاقة دي مرهقة جدًا جدًا..!!

حتى لو حاولت تقوله إن تصرفاته بتوجعك
، غالبًا هيرجع لنفس السلوك.
لازم تتأكد إن المشكلة مش فيك أبداً،
فيه ناس مزاجهم مُتغير
ومش واخدين بالهم من الآذى اللي بيعملوه...

والحقيقة إنه ممكن ميكونش قادر يحبك بجد،
أو إنتَ مش في أولوياته.
عشان كده، مهم تحطله حدود في حياتك.
مش لازم يكون قريب منك، بس ممكن تحبه وتقدره من بعيد.

وماتستناش إنه يتغير، الحل،
إنك تدور على ناس تانية تحطك في أولوياتهم
ويحبوك بصدق، وقرب منهم وكن ممتن لوجودهم معاك❤️