منتدى الفرح المسيحى - حاسس وبيتحنن

https://upload.chjoy.com/uploads/174193451631221.jpg

قلبي انخلع مني 😭
ده كان لسان أرملة فقدت ابنها وحيدها،
شاب زي الورد ، سندها في الدنيا، فرحة قلبها !!
قلبي معاكي لأن مفيش أصعب من الفقد..
إيه الوجع ده اللي مش نافع يتوصف ده..

مشهد مؤلم ومظلم وفي قمة قسوة الموقف،
يجي يسوع مخصوص..
يجي للأم الموجوعة ويتحنن عليها
ويتحد مع ألامها ويقولها لا تبكي،
ويوصلها إن دموعها غالية عليه وحاسس بيها..
(وبصرف النظر عن انه قوّم ابنها من الموت)
لكن اللي أخد قلبي حنيته وكلامه ووجوده في وقت الألم💜

قلت لنفسي كل ألم هو حاسس بيه وكل وجع جوايّ هو معايّ فيه..
لو بتمر بألم، مهما كان حجمه هتلاقي يسوع حاسس بيك
وبيتحنن عليك🙏