منتدى الفرح المسيحى

علي المعاش
لما حد يبقي هو كان كل حاجه
بس هو كل حاجه بسبب تعبه ومجهوده وأمانته في عمله
وفجاءه يقلولوا ( انت خلاص علي المعاش)
بس طبعا المكان مكانك
وانت هاتفضل مديرنا وحبيبنا
بس الحقيقه هو مهمته انتهت وآخره شهاده تقدير
وقاعده فيها كلمتين شكر علي كل اللي عمله
وتلاقي من الوقت للتاني يفتكروه برساله
ويفضل الشخص ده مجرد سيره حلوه في حياتهم
أنا وانت فجاءه بنحس اننا في بعض المواقف في حياه ناس طلعنا علي المعاش
وتفضل مجرد حياتك سيره سايبها حلوه في عقولهم مايقدروش ينسوها
(أنا وانت ممكن نطلع معاش لكن تفضل السيره اللي عملتها حلوه
في قلوب اللي حواليك حياه تتعاش)
المهم ماتعشمش لما قرار المعاش يطلع تلاقي اللي كنت بتلاقيه زي الاول
عارف ليه؟
لان اللي كنت بتلاقيه كان بسبب اللي بتقدمه من مجهود
لكن دلوقتي خلي انت بس سايب سيره
خلي حياتك في وسط اللي حواليك سيره حلوه وبس

ابونا جوناثان رفعت