منتدى الفرح المسيحى - اليوم اللي مش هنقول فيه وحشتني تاني أبداً

https://upload.chjoy.com/uploads/174223893448361.jpg

أول لحظة في السما… اللحظة اللي كل الاشتياق
اللي جوه القلب هيتحول فيها لحقيقة،
اللحظة اللي مش هنكون فيها مضطرين نقول “وحشتني”،
لإنهم هيبقوا معانا، أقرب من أي وقت فات.

تخيل الفرحة لما تشوف اللي سبقتك روحهم
، لما تلاقيهم مستنيينك، بابتسامتهم اللي حافظها،
بنظرتهم اللي كانت دايمًا بتطمنك…
تخيل أول حضن بعد سنين الفراق،
حضن مافيهوش وداع، مافيهوش خوف من الزمن،
مافيهوش لحظة هتضيع بعدها.

في السما مافيش دموع على اللي راح،
مافيش حسرة على اللي فات
، هناك كل غالي فقدناه هنلاقيه
، وكل لحظة ألم كانت جوانا هتتبدل بسلام أبدي.
في السما، العزاء بيتحول لفرح، والاشتياق بيتحول لحضور دائم
، والقلوب اللي اتكسرت من الفراق
هتلاقي شفاها في أول حضن بعد طول غياب.
يا رب، خلينا دايماً نعيش على رجاء اليوم ده…
اليوم اللي مش هنقول فيه “وحشتني” تاني أبداً!