زوادة اليوم:
الخير بالشر
https://upload.chjoy.com/uploads/174203893900931.jpg
بيخبرو عن رجل أعمال كتير كبير عندو مناجم دهب وكان مشهور بعملو اليدوي.

بس مع الأسف بيوم من الإيّام، تعرَّض لإنفجار وصار مُعوَّق.

الشغلة الوحيدة يلّي كان قادر يعملها هيّي الكتابة، أخد قرار يودّي رسايل تعزية للمساجين، بس ولا يوم إستلم جواب لأنّو ممنوع ع المساجين يراسلو حدا... مرَّة بتوصلّو رسالة من آمر السجن بيطلب مِنّو يستعمل أجود ورق وأفضل حِبِر لأنّو المحابيس عم يتناقلو رسايلو من زنزانة لزنزانة ومن إيد لإيد، وهالشي خلّا حروف الرسايل تنمحى وتنبرى.

الزوّادة بتقلّي وبتقلَّك :

«قدّام الصعوبة ما تستسلم، كمِّل عملك مهما كان بسيط وزغير، نتيجتو أكيد رح بتكون كبيرة ومثمرة».
والله معكن.