منتدى الفرح المسيحى - قوة ثابته رغم الكسر

https://upload.chjoy.com/uploads/174195355282431.jpg

في حاجات في حياتنا لما بتتكسر أو بتروح،
بنفضل مستنيين إن الله يعوضها بنفس الشكل،
أو يرجع لنا اللي ضاع. 😶
بس الحقيقة إن مش كل فقد ليه تعويض...
ومش كل كسر هيتصلح بنفس الطريقة.

في رسالة العبرانيين، أبطال الإيمان فضلوا مستنيين
وعود وماشوفهاش، ومع ذلك الكتاب شهد عن ايمانهم وامانتهم ..
فَهؤُلاَءِ كُلُّهُمْ، مَشْهُودًا لَهُمْ بِالإِيمَانِ، لَمْ يَنَالُوا الْمَوْعِدَ، (العبرانيين ١١: ٣٩)

الله مش بيضمن لنا حياة من غير فقد أو ألم،
ومش دايمًا هيرجع اللي راح.
لكن هو بيدينا حاجة أعمق... رجاء يتخطى الألم،
وسلام يثبت رغم الكسر، وإيمان يعلّمنا إن الخير مش دايمًا في رجوع الحاجة، لكن في قوة نكمل من غيرها👌

يمكن مش هيرجع اللي ضاع...
ويمكن مافيش تعويض بالشكل اللي بنتمناه.
.. بس الله أمين، وهيفضل يسندنا ويقوّينا علشان نقدر نكمل🙏