منتدى الفرح المسيحى

https://upload.chjoy.com/uploads/174180638224511.jpg

مرات كتير بتقف حياتنا عند مطب (الإجابة)
لما بنكون محتاجين إجابات لأسئلتنا المهمة:
ليه اتظلمت؟
ليه مخدتش اللي استحقه؟
ليه الخير اللي عملته اتقابل بشر؟
وعشرات الأسئلة التانية.

أيوب، أكتر واحد سأل أسئلة من النوع ده،
وفي نهاية تجربة أيوب، معرفش إجابة أغلب أسئلته،
لكن مع ذلك طلع (متراضي).
وده على فكرة قبل حتى ربنا ما يعوضه عن اللي فقده.
وأعتقد أن كلمة السر كانت:
"بِسَمْعِ الأُذُنِ قَدْ سَمِعْتُ عَنْكَ، وَالآنَ رَأَتْكَ عَيْنِي." (أيوب 42: 5).

بصلي لكل واحد حياته عطلانة عند مطب الإجابة
أنه يشوف الله في ظروفه الصعبة،
وأن الله يراضيه بطريقته الخاصة!

مطب_الإجابة